دنيا المصري: "الحسد عمل كتير في حياتي والفنانين معاهمش ملايين"

تحدثت الفنانة دنيا المصري، عن تأثير الحسد في حياتها، بجانب حديثها عن أجور الفنانين وعن رأيها في أدوار الإغراء. الحسد في حياة دنيا المصري وقالت دنيا خلال حوارها مع الإعلامية يارا أحمد، في برنامج نجمك مع يارا، المذاع عبر شاشة قناة «هي» الحسد عمل حاجات كتير في حياتي، والأول كنت بركز في الحاجة بتيجي، فأنا بطلت أركز وبتوكل على الله في كل حاجة بعملها في حياتي. دنيا المصري عن حقيقة أجور الفنانين قائلة  الفنان بني ادم عادي، إحنا بنشتغل ونروح بيتنا نطبخ ونربي ولادنا زي أي حد، مش كل الفنانين معاهم ملايين، في ناس شغالة العمل بعمله. وعن رأيها في أدوار الإغراء، فعلقت مبرفضش أدوار الإغراء، والإغراء بالنسبة ليا مش أني أطلع أعمل إغراء، طيب ما شخصية سميحة في مسلسل حق عرب كان فيه إغراء، الجمهور حس بيه؟، مش شرط أطلع أعمل حاجات فزة. كما كشفت عن الفنان التي تتمنى التعاون معه خلال الفترة المقبلة، فقالت نفسي أوي أمثل مع كريم عبد العزيز، حاسة أني لو اشتغلت معاه هنور أوي أوي، أنا بكتشف في نفسي حاجات غريبة جدًا، لما عملت الاختيار كنت عارفة أني بمثل مع مجموعة كبيرة من نجوم كبار، والاختيار فرق في حياتي جدًا، وده بقى الدور اللي تعبني نفسيًا وأثرت فيا من جوا وكنت طول الوقت بعيط، وهي شخصية أنا بحبها أوي ومن الشخصيات اللي أنا فخورة بيها. ابتعاد دنيا المصري عن السينما أما عن سبب ابتعادها عن السينما، علقت دنيا المصري أنا نفسي في حاجة كبيرة عمل كبير لنجم كبير جدًا حتى لو هعمل دور صغير، أنا عارفة أنا هعمله إزاي، المهم المخرج والنجم. برنامج نجمك مع يارا يذكر أن برنامج نجمك مع يارا يعرض يوم الأربعاء من كل أسبوع في تمام الساعة 10 صباحا، وإعادة يوم الخميس في تمام الساعة 1 بعد منتصف الليل، والبرنامج من إعداد مروة محمد، ورانيا عبد اللطيف  على شاشة قناة هي.