حلا شيحة عن تصريحاتها على طليقها معز مسعود: "أنا مقلتش الكلام ده نهائي"

عادت الفنانة حلا شيحة لتصدر عناوين الأخبار مجددًا، بعدما نفت تصريحات متداولة نُسبت إليها حول فترة زواجها السابقة من الداعية معز مسعود، والتي زعمت أنها وصفتها بأنها "أصعب فترات حياتها".

وأكدت حلا أن هذه التصريحات لا تمت للحقيقة بصلة، مطالبة وسائل الإعلام بتحري الدقة وعدم نشر معلومات مغلوطة على لسانها.

حلا شيحة: "أنا مقلتش الكلام ده نهائي"

  كتبت حلا شيحة على حسابها الرسمي عبر "إنستجرام"، من خلال خاصية الاستوري، رسالة واضحة للجمهور والصحافة: "مش عارفة إيه الكلام ده ومين اللي نشره على لساني؟! ياريت اللي يكتب خبر يتحرى الدقة كويس قبل ما يكتب أي حاجة عني.. أنا مقلتش الكلام ده نهائي." [caption id="attachment_191543" align="alignnone" width="407"] حلا شيحة[/caption]

أزمة حلا شيحة النفسية بعد الطلاق: "كنت بزعل من ربنا"

  في حديث صريح ومؤثر عبر قناتها الرسمية على موقع يوتيوب، فتحت حلا شيحة قلبها للجمهور وتحدثت عن معاناتها النفسية عقب طلاقها الثاني، مؤكدة أنها مرت بمرحلة من الاضطراب العاطفي والحزن الشديد، أثّرت على حالتها النفسية بشكل كبير.   قالت حلا شيحة في الفيديو: "لما لبست الحجاب المرة اللي فاتت كنت فاكرة إن الجواز ده هيساعدني أقرب من ربنا، بس اللي حصل كان صدمة كبيرة.. حسيت إني تايهة ومش قادرة أكمل." [caption id="attachment_191544" align="alignnone" width="800"] حلا شيحة[/caption] وأضافت: "بعد الطلاق كنت بسمع إن في ناس بتتأثر نفسيًا جامد وبيحصلهم صدمة بتغير كيمياء المخ، وده اللي حصل لي فعلًا، دخلت في حالة غضب وكنت بقول يا رب أنا زعلانة منك، ليه مش واقف جنبي؟"  

"كنت بنتقم من نفسي.. وندمت على اللي حسيت بيه"

تحدثت حلا شيحة بصدق عن شعورها بالذنب بعد تلك المرحلة، مؤكدة أن ما مرت به لم يكن نابعًا من قناعتها، بل من الألم النفسي الشديد الذي كانت تعيشه. وأضافت: "كنت بحس إني بنتقم من نفسي، وده مش أنا، مش الصورة اللي اتربيت عليها.. زعلت من نفسي وحسيت إن في حاجة مش مظبوطة جوايا."