ياسمين صبري: أنا إضافة لأي رجل ووقعت في حب بطل أفريقيا

حلت الفنانة ياسمين صبري ضيفة على برنامج “بيج تايم بودكاست” المذاع عبر قناة MBC ويقدمه الإعلامي عمرو أديب.

وقالت ياسمين: حياتي لم تشهد العديد من قصص الحب، باعتبر القصص في الصغر نوعا من الإعجاب. أنا ناعمة لكن مش عبد الحليم في نفسي، أحب الرقة والنعومة والهدوء، لكن مش بتاعة حب أفلاطوني وعشت قصص حب كثيرة.

وأجابت على سؤال ما هي أول قصة حب في حياتك؟ قائلة: وإنت صغير الحاجات دي اسمها إعجاب، مثلا أنا كنت لاعبة سباحة باسم مصر، وأعجبت ببطل أفريقيا، قوي وناجح وبطل ومركز وشغوف.. كان إعجاب من بعيد لبعيد بعد اعتراف، وأنا مش جريئة.

ياسمين صبري

وأضافت ياسمين صبري أنا من أسرة متوسطة، وجدتي هي التي تولت تربيتي. وكنت في مدارس حكومية، وبعد ذلك تطورت لأن المستوى المادي لوالدتي تطور.

وتابعت: عشت مع كل الطبقات، وكنت زي أي بنت عادية معنديش واسطة، وتخرجت من المدرسة والجامعة، ووالدتي قالت هتصرفي على نفسك وتشتغلي.

واستكملت: اشتغلت في مكتبة الإسكندرية بعد تخرجي من الجامعة، علاقات عامة، بعد ذلك اشتغلت في وظيفة ثانية في مجال الاتصالات، وقدرت اشتري عربية بالقسط.

وأكدت أنها لا تحب تغيير شكلها، مضيفة: أنا مش بغير حاجة في شكلي ومش بصبغ شعري. ولا بعمل لوك مختلف في أي مسلسل أو فيلم بطلع فيه، بطلع كياسمين، وده أحيانا مشكلة بتواجهني مع المخرجين بيقولولي عايزين نغير وأنا بقول لا أنا بطلع كدا.

وتابعت: كياني يضيف لأي رجل أنا معاه مياخدش منه، كل شئ اشتغلت عليه وبنيته سمعة. وعدم وجود أخطاء يضيف للرجل اللي أنا معاه.. أنا إضافة لأي رجل سأتزوجه، لأني ست متحفظة في أسلوبي وطريقتي وتمثيلي وفي كل شئ، والرجل الشرقي يعشق هذا الأمر.