كشفت الفنانة نيللي كريم عن تفاصيل شخصيتها في مسلسل «ليه لأ 3» من المقرر عرضه يوم 22 يونيو الجاري على منصة شاهد الإلكترونية.

تفاصيل دور نيللي كريم في مسلسل لية لأ 3

قالت نيللي كريم في مقابلتها مع منصة شاهد ، أنها تقدم دور شيري لديها طفلين، بتعرض إلي مشاكل عائلية في فترة زمنية معينة، مشيرة أن شخصية شيري واقعية موجودة في المجتمع وفي أصدقائها.

عند سؤالها عن هل وجود شبهة بينها وبين شخصية شيري قالت :« الحاجات المشتركة بينا هي اني أم، دايما بسال عليهم وبشوفهم عاملين أي في الحياة، بديهم نصائح دايما».

نيللي كريم: الست أصبحت راجل البيت حالياً

تابعت:« المسلسل بيعرض أن معاناة الأم المطلقة ولديها أولاد في تضحي بحاجات كتير ليها مقابل سعادة اولادها وابنها الكبير بالذات، الام تحاول ترضيه بأي شكل لأن هو الولد الوحيد ومعتبره راجل البيت، ولكن شيري يأتي عليها يوم وترفض أن تضحي من أجل أولادها».

اما عن رأيها في دور المرأة في الأسرة بعد انفصالها عن زوجها قالت :« الناس بستخدم كلمة راجل البيت من غير تفكير ودي كلمة كبيرة اوب، حالياً في ستات بتشيل مسؤولية البيت كله وتربية الأولاد بعد الطلاق اغلب الآباء مش بيدفعوا فلوس ليهم لو دفعوا بيكون مبالغ بسيطة في هذا الموقف تكون الست هي راجل البيت».

نيللي كريم: أرفض تضحيات الأم من أجل الأولاد

واختتمت نيللي كريم حديثها :« من رأي محدش لازم يضحي من اجل حد، لو الأم بتقول أنها ضحت بشغلها ومستقبلها علشان تربي اولادها بعد فترة أولادها يكبروا ويقولوا لها محدش طلب منك التضحية، في فرضيات وأفكار في التربية الشرقية ميتبنيش عليها عائلة سليمة ولا حياة ولا افكار سليمة».