علاء عوض: حماتي سبب طلاقي وحاليا بأربي كلاب (فيديو وصور)

علاء عوض حل ضيفا على برنامج “كلام الناس”، المذاع عبر فضائية “ام بي سي مصر”، وتقدمه الإعلامية ياسمين عز.

وجاء منذ ساعات اسم علاء عوض على قائمة تريند “موقع البحث الشهير “جوجل” بعد عرض البرنامج. وكشف عن أسباب طلاقه من المطربة مها خليل.

وقال: إنه تزوج 4 مرات كانت آخر مرة من 20 سنة، لكن زواجه من مها خليل كان صعبا للغاية.

علاء عوض أضاف: «مفيش حاجة قفلتني من الجواز، لكن أنا كان حظي وحش مع الزوجة الأولى مها خليل، والدتها كانت رفضاني والأب مكروه من أسرته، لما حصل الحب قررت أتجوزها لكن مامتها رفضت، وبقيت أنا مكروه عند الأم لأني اتجوزت بنتها غصب عنها، وبقيت تعملي أعمال سفلية والشر اشتغل».

علاء عوض

وتابع: «بعد سنة زواج قولت لمراتي حرام مش هنعرف نعيش كده في صراع بينك وبيني ومع والدتك، وبعد كده اطلقنا وانكسرت في حبي الأول».

واستكمل: «اتجوزت بعد كده التانية والتالتة والرابعة في 3 سنين وتبت بعدها، الجواز حاجة جميلة جدًا كل حاجة فيها إيجابيات وسلبيات، لكن أنا عندي 5 بنات من إخواتي اللي هما بناتي برضة».

وقال علاء عوض: «كان عندي فرص كتير اتجوز وأخلف واخترت إني مخلفش، يمكن دلوقتي الوضع بقى كده وأنا مش زعلان منه، أنا اخترت أربي كلاب، الكلب الكبير عجوز عنده 13 سنة والصغير لذيذ، هما دول حياتي كلها وبصرف عليهم 70% من الفلوس اللي باتحصل عليها بس أنا مبسوط كده».

يشار إلى أن علاء عوض عم الفنانة جميلة عوض، كان قد شارك متابعيه عبر “السوشيال ميديا” بفيديو يرقص فيه مع ابنة شقيقه جميلة التي احتفلت بزفافها على المونتير أحمد حافظ. عبر حسابه على “تيك توك”، وعلق: “من حفل كتب كتاب حبيبتي جميلة عوض أنا فرحان جدا من كل قلبي”.