عايدة فهمي توجه رسالة شديدة اللهجة لـ«مروان مشاكل»
حلت الفنانة عايدة فهمي، ضيفة في برنامج”تفاصيل” مع الإعلامية نهال طايل، المذاع على قناة صدي البلد، وتحدثت فيه عن تفاصيل في حياتها الشخصية والفنية وعن دورها في مسلسل ” جزيزة غمام”، وكما وجهت رسالة إلي مشاهير السوشيال ميديا الذين دخلوا مجال التمثيل.
عايدة فهمي توضح سبب نجاحها في مجال التمثيل
قالت:”مسلسل جزيرة غمام من أفضل الأعمال التي قدمتها في مشواري الفني. في ممثل بيذاكر وممثل بليد لأن في ناس بتيجي تعدي ومحدش بياخد بالها منها. وعجبني الدور في مسلسل جزيرة غمام وحبيت العمل ومسكت فيه بأيدي وسناني. ومكانش الدور مكتوب وحكولي الحكاية، هناك فنان جيد وموهوب وهناك فنان يأخذ الفن على هيئة “أكل عيش”. لكن الفكرة في تطور الموهبة، معقبة :”عمري ما طلبت من مخرج أو منتج دور ولا رفعت سماعة تليفون على حد.. لما بيجيلي مشهد في مسلسل بموت نفسي عليه علشان يطلع حلو”.
عايدة فهمي توجه رسالة شديدة اللهجة لـ مروان مشاكل
كما حرصت عايدة فهمي على توجيه الرسالة لـ تيك توكر مروان مشاكل، بعد إلقاء القبض عليه، متسائلة :”مين دلوقتي أشهر كروان مشاكل ولا عايدة فهمي!؟.. هو مشهور في الشارع وبشوفه بيتصور في أماكن وعنده شهرة عالية”.
وتابعت فهمي:”ربنا يزيده من نعيمه لكن أنا معرفش أعمل زيهم ودول ليهم إتجاه تاني.. بس يبعدوا عن الفن علشان الفن مش عاوزهم.. وشوفي اللي دخلوه الفن أتعمل معاهم إيه عندنا نقابة قوية وكبيرة.. وبتوع التيك توك عمرهم ما هيبقوا فنانيين ورسالتي ليهم أنتوا بتحلموا وشوفوا دكتور أشرف زكي عمل فيهم ايه”.
أما عن رفضها لتقديم أدوار الإغراء في بداية حياتها قالت:”وأنا صغيرة زمان جالي دور فيه قبلات وقتها أخدت رأي أخويا الراحل سامي فهمي، وقالي اعمليه لكن أنا أعتذرت وأنا راضية.. بعدها لما أتعرض الفيلم ولما أتجوزت وأنجبت ابني وأنا بشوف كده.. وقتها قولت ده ستر ربنا عليا أني معملتش كده.. ابني كان هيبصلي إزاي وأنا بعمل ده”.
