ريم طارق توجه رسالة لأهل حسن شاكوش: “داس عليّ.. ومش تستكتروا عليّ حقي

وجهت ريم طارق طليقة مطرب المهرجانات حسن شاكوش، رسالة الي أسرة حسن شاكوش، من خلال لقائها في برنامج “90 دقيقة” مع الإعلامية بسمة وهبة، الذي يعرض على قناة المحور،قائلة:” أنا لم اعتذر لـ حسن شاكوش، ولم اقل له أني عشيت معه أيام جميلة،لكن مقطع الفيديو الذي تتحدث فيه عن الصلح كان بناءً على شرط من أهل الخير الذين توسطوا لحل الازمة،حسن شاكوش خدعني لتالت مرة وفضحني وجرسني وشهّر بيّ واتكلم عني وقال إني مصابة بأمراض وداس على كرامتي، وأنا لم اعتذر له”.

طليقة حسن شاكوش تكشف حقيقة الفيديو الاعتذار

وأضافت طليقة حسن شاكوش:”اعتذرت لأبي وأمي ووالدته لأنها سيدة كبيرة ولا دخل لها في المشكلة، وأقول لأهلنا يطلعوا نفسهم بره الموضوع، لأنه خدعني بدل المرة تلاتة وهو مش مصدر ثقة، وهاخد حقي بالقانون ومش تستكتروا عليّ حقي،عملت فيديو اتكلمت فيه عن حسن شاكوش حلو من ورا أهلي عشان الموضوع يخلص لكن مكنتش أعرف إن أهل الخير اللي تدخلوا بينا هيدوله الفيديو، مش من حقهم يعملوا كده”.

ريم طارق تنهار على الهواء وتوجه رسالة لـ حسن شاكوش

وتابعت:”حسن شاكوش عاوز ايه من الحرب دي؟!، انت مبسوط بنفوذك والسوشيال ميديا؟! مش بيفكر في ربنا وإن ده حق ولية؟!،أنا ولية وحقي كده كده جاي، شاكوش مستوعب كل ده؟! ليه يعيب فيّ؟! ايه السبب؟! مكنتش عاوز تتجوزني متتجوزنيش، دبر لي المكيدة من أول يوم زواج وكتب في القسيمة إني بكر رشيد عشان لما أتكلم يحبسني، انا عملت له ايه؟!”.

الجدير بالذكر، أن طليقة حسن شاكوش نشرت فيديو لها على حسابها الشخصي بموقع التواصل الاجتماعي الفيسبوك، واعتذرت لـ حسن شاكوش فيه عن التصرفات التي صدرت منها أثناء الخلافات، وقالت أنه راجل محترم، وحصل سوء تفاهم.