أكد الإعلامي أحمد موسى، أن الرياضة أصبحت استثمار وعمل كبير، معلقا على خروج مصر من بطولة أمم إفريقيا 2024. معقبا: “اللي عاوز يبني منتخب لازم يبقى فيه منظومة كبيرة.. هل هناك علاقات بين أعضاء اتحاد الكرة والقارة الإفريقية؟.. الإجابة لأ، أين هاني أبو ريدة وأحمد مجاهد؟، الكرة علاقات وتواجد وتأثير”.
وقال موسى في برنامجه على مسئوليتي، على فضائية “صدى البلد” اليوم الإثنين. إن الرياضة في غانا وبنين وتوجو والسنغال تعرف كلمة واحدة «مو صلاح» فقط. الناس هنا بتكسر فيه والناس بره بتحييه، عاوزين حد يبقى ناجح ويوصل ازاي طالما بـ «تفطسه»، العالم بيبحث عن الشاطرين، وهناك من يسعى لتدمير محمد صلاح وتشويه صورته.
وأضاف: “اللاعيبة امبارح بتطفش الكورة كأن رجليها ثقيلة، يا راجل سجل أو أجرى. لاعبي الكونغو جابوا جول وإحنا لسة بندور على الكرة، من 2010 مشفتش كرة ولا منتخب. فاكرين مباراة البرازيل وإيطاليا”.
وتابع: “أحمد فتوح يا دوب وقع على الأرض ويصاب ومحمد حمدي يطرد. الكونغو الديمقراطية مش المنتخب اللي يكسب مصر، ملعبوش كرة صح. لكن فيه مدرب بيعمل تغييرات صح، مهند لاشين نزل ليه؟، علشان يشوط ولا يقعد ولا يسجل؟”.
