بسمة وهبة أعلنت عن مقاضاة شركة شحن عالمية نتيجة تأخرها في إرسال أشعة نجلها إلى ألمانيا؛ كي يفحصها أحد الأطباء هناك، وهو الأمر الذي نتج عن تراجع في حالته الصحية.
اسم الإعلامية بسمة وهبة كان قد جاء ضمن قائمة تريند موقع البحث الشهير “جوجل”، خلال الساعات القليلة الماضية، وذلك بعد إعلانها مقاضاة الشركة.
وقالت في مقطع فيديو عبر حسابها الشخصي بموقع التواصل الاجتماعي «إنستجرام»: “الرسالة دي لشركة الشحن، مش هسيبكم، لأنكم تسببتم في سوء الحالة الصحية لابني، أنا جيت من السعودية يوم 26، وابني كان تعبان وخد كذا حقنة في العمود الفقري ما ريحتهوش”.
بسمة وهبة
وأضافت، “بعتنا لدكتور في ألمانيا قال لازم عملية، ولكنه طلب مننا أشعة MRI، وبالفعل تمت، وقولت له في مصر أسرع من السعودية لأن المسافة بين السعودية وألمانيا أطول”.
بسمة وهبة تابعت: “قولتله هبعتها ليك في مكتب في المطار، وقالوا هتوصل في 48 ساعة، قعدت عندهم أيام 26 و27 و28 و29 صحيوا من النوم وبعتوا السي دي للندن، واكتشفوا أنها جات غلط وبعتوا لألمانيا، والمفروض تروح فرانكفورت بعتوها لبلد تانية في ألمانيا وابني الوجع بيزيد عليه والمفروض يعمل العملية”.
وقالت: “ابني عريس وفرحه بعد أسبوعين، وربنا ميجبش لينا إلا الخير لكن أنتم تسببتم في شر، وإحنا أجلنا الفرح علشان العملية تتعمل بسرعة ويتخلص من آلامه، ولو كنت بعت حد وركبته طيارة كان تقريبًا هيكون نفس السعر لأنكم أسعاركم غالية، ومش هسيبكم وهقاضيكم مش في مصر بس وبره مصر كمان”.
