حلت الفنانة المغربية بسمة بوسيل ضيفة على الإعلامية منى عبدالوهاب، في برنامجها «ع المسرح».
وكشفت عن أسباب انفصالها عن الفنان تامر حسني، زوجها السابق، رغم استمرار علاقتهما في الود حتى الآن.
وقالت: إنها عقب مدة طويلة علمت جيدا أن الأمر متعلق بها، والمشكلة لديها، وصلنا لمرحلة مكناش بنعرف نتكلم، طبيعة شغل تامر كمان صعبة ودايما محتاجة مجهود.
وأضافت، اكتشفت إن المشكلة فيا أنا بتعلق جدا بالأشخاص، ودي أزمتي. اللجوء لله عز وجل كان أسلم حل، روحت 3 مرات عمرة في سنة واحدة، أجري على الكعبة واشتكي والحمد لله بقيت راضية.
بسمة بوسيل
وعن معجبات تامر حسني قالت: كانوا بيجولي قدام البيت.. ويقولوا طلقها، ودي كانت من الحاجات المخيفة بالنسبة لي ولأهلي ولتامر أيضًا. لأن الأضواء كلها تم تسليطها عليا وقتها.
وتابعت:”لما قلت إني تحررت بعد الطلاق كان قصدي إني تحررت من حاجات كتيرة كانت عاملالي ضغط، شكل حياة تامر صعب ومتعب جداً، وفي النهاية لما تبقي متزوجة بيكون عليكي واجبات لازم تعمليها، وأنا في حاجات معينة كنت مش قادرة أعملها.. مش سهل تبقي متزوجة نجم بيمثّل وبيسافر، وعندي ثلاثة أولاد.
وقالت بسمة بوسيل: الانفصال كان صعب، لأن أنا وتامر بنحب بعض جداً كأشخاص غير كزوجين. وهو شخص غالي عندي جداً، ولغاية دلوقتي بيعرف كل حاجة أنا بعملها وبيطمن عليّ.. الطلاق كان صدمة مع إنه ممكن يبقى بداية جديدة، وإحنا وصلنا لمرحلة كان عندنا مشاكل كثيرة ومش بنكلم بعض.
واستكملت: كانت خضة وفي الأول كنت أقعد أشتكي وأقول أبويا توفّى وبعدها اتطلقت وماما عملت عمليات كبيرة، لكن بعدها حسيت إني عايزة أقرب من ربنا، لما هديت نظرتي للموت والطلاق تغيرت تماماً، ووصلت لنقطة التصالح مع النفس.
واختتمت: حصلت حاجات كويسة جداً في شغلي، كأن ربنا بيكرمني عشان رضيت، مستحيل تروحي لربنا ويرجّعك محبطة.
